05 мая 2009 г.
Ака-суха ĕçĕсем вăй илсе пыраççĕ. Районĕпе илсен çу уйăхĕн 4-мĕшĕ тĕлне çуртрисене 7910 гектар çинче акнă. Ку вăл планăн 82 проценчĕ. Çуракине кĕске вăхăтра тата пахалăхлă ирттерес тесе «Мураты», «Луч», «Янгорчино», «Юнтапа», Карл Маркс ячĕллĕ кооперативсенче, «Санары» агрофирмăра, «Мир» тулли мар яваплă обществăра, ял хуçалăх техникумĕнче, М.Тарасовпа А.Игнатьев фермерсен хуçалăхĕсенче хастар тимленĕ. Вĕсенче çуртрисене мĕнпур лаптăк çинче акса пĕтернĕ.
Çĕр улми пуссинче 3 хуçалăх – «Мураты», «Санары», «Победа» – тăрăшать. Пурĕ «иккĕмĕш çăкăра» 105 гектар лартнă.