29 апреля 2009 г.
Пирĕн район волейболисчĕсем Чăваш ен чемпионатĕнче яллă районсем хушшинче чемпионсен ятне тивĕçрĕç. Муниципаллă районсем хушшинче теннисистсем – Сергей Политов, Иван Федоров тата Алина Шуркина – республикăн кĕмĕл призерĕсем пулса тăчĕç.
Районта та массăллă ăмăртусем старт илчĕç. Иртнĕ кунсенче акă йăлана кĕнĕ «Акатуй» парнисемшĕн пулакан футбол турнирĕн жеребьевки иртрĕ. Кăçал ăна Çĕр ĕçченĕн тата Çамрăксен çулталăкĕсене халалланă.
«Акатуй–2009» турнирта сакăр команда тупăшать: «Попутчик» (Ершепуç ял поселенийĕ), «Химик–Августăн» аслисен тата çамрăксен, «Янгорчино» тата «Гвардеец» хуçалăхсен, Пăртас, Санарпуç ял поселенийĕсен, ял хуçалăх техникумĕн командисем. Пĕрремĕш вăйăсем майăн 12-мĕшĕнче иртмелле, вĕсенче аслă «химиксем» санарпуçсемпе, çамрăк «химиксем» пăртассемпе тĕл пулĕç.