29 апреля 2009 г.
– Юн пани – сăваплă ĕç. Этем сывлăхĕшĕн тăрăшакан пурнăçра ыр куратех. Апрелĕн 23-мĕшĕнче ирттернĕ Донор кунне вăрнарсем хастар хутшăнчĕç. Юн паракансем 116-ăн пулчĕç. Ытларахăшĕ – Вăрнарти совхоз-техникумран (35 çын), «Август» фирмăн филиалĕнчен (25). Сывлăх хуралĕнче тăракансем те ырă ĕçрен пăрăнмарĕç: 18-ăн Донор кунне хутшăнчĕç.
Юн паракансем хушшинче Раççей хисеплĕ донорĕсем те – Евгений Семенов, Галина Константинова (район тĕп больницин санитарки), Эдуард Кудряшов (реанимаци уйрăмĕн заведующийĕ), Галина Приезжева (Вăрнарти 29-мĕш училищин библиотекарĕ), «Август» фирмăн «Вăрнарти хутăш препаратсен завочĕ» филиалĕнче тимлекенсем – Владимир Приезжев, Александр Туганов, Георгий Орлов – пулчĕç.
Вăрнар район тĕп больницин тата республикăри юн яракан станцин администрацийĕсем пур донора та хастар пулнăшăн тав тăваççĕ.