11 февраля 2009 г.
Эрнекун поселенисем хушшинчи культурăпа кану центрĕнче Çĕр ĕçченĕн çулталăкне халалланă «Çĕр çыннисем» курав ĕçлеме пуçларĕ.
Мускаври Сергей Воронин фотохудожникăн ĕçĕсенче чăваш ялĕн пурнăçĕ, унăн культурипе йăли-йĕрки, çыннисем вырăн тупнă. Сăн ÿкерчĕксенче чăваш тĕррисем паллă вырăн йышăнаççĕ, уйрăм сăнсем чылай.
«Çĕр çыннисем» курав-фестивале Чăваш ен Халăх пултарулăх çурчĕн проекчĕпе йĕркеленĕ. Вăл Чăваш Республикин Президенчĕн грантне те тивĕçнĕ. Районсенчен Вăрнара курав пĕрремĕш çитрĕ. Историпе краеведени музейĕн директорĕ Елена Шарипова каланă тăрăх, район çыннисене вăл уйăхĕпех савăнтарĕ, хыççăн ытти районсене çитĕ.