31 января 2009 г.
Январĕн 27-мĕшĕнче Мускаври Çăлавçă Христос чиркĕвĕнче Мускавпа Пĕтĕм Руç Патриархĕн суйлавĕ иртнĕ. Поместнăй Собор йышăнăвĕпе Мускав Патриархи Престолне Смоленск тата Калининград митрополичĕ Кирилл суйланнă.
Сасăлав кăтартăвĕпе Патриарх престолĕн управçи Смоленск тата Калининград митрополичĕ Кирилл 508 сасă пухнă, Мускав патриархи ĕçĕсен управляющийĕ Калуга тата Боровск митрополичĕ Климент – 169.
Собор участникĕсем Кирилл митрополит Вырăс Православи чиркĕвĕн Предстоятелĕ пулса тăнине алă çупса йышăннă. Кирилл Патриарха Раççей Президенчĕ Дмитрий Медведев тата Владимир Путин премьер ăшшăн саламланă. Интронизаци ыран, февралĕн 1-мĕшĕнче, иртет.
Мускав тата Пĕтĕм Руçăн 16-мĕш Патриархĕ Кирилл митрополит 1946 çулхи чÿк уйăхĕн 20-мĕшĕнче Ленинградра çуралнă.