01 января 2009 г.
Илемлĕ кĕвĕ янăраса кайрĕ. Шăв-шав лăпланчĕ. Кĕвĕ çеммипе илемлĕн çаврăнса зала пĕрин хыççăн тепри сакăр Юр пике тухрĕ. Уявра пĕр Юр пике анчах пулать-çке, мĕншĕн саккăрăн; Мĕншĕн тесен Хăмăш шкулĕнче Юр пикесен конкурсĕ иртрĕ.
Уява ертсе пыракан Олеся Козлова пикесемпе паллаштарать. Хĕрачасем хăйсем ăсталанă, эрешленĕ тумсемпе, пĕри тепринчен капăртарах. Конкурсра юмах пикисем хăйсен пултарулăхне туллин кăтартрĕç: юрларĕç, ташларĕç, сăвă каларĕç, телеграммăсене кам çырнине тупрĕç, тупмалли юмахсене шырарĕç, теттесем ăсталарĕç, 2009 çулти вăкăра куçа хупса ÿкерчĕç т. ыт. те. «Чи пултаруллă Юр пике» ята 5-мĕш класра вĕренекен Алена Никитина тивĕçрĕ. Надежда Блиновапа Ирина Павлова иккĕмĕшпе виççĕмĕш вырăнсене йышăнчĕç. Çĕнтерÿçĕсене жюри грамотăсемпе, парнесемпе чысларĕ.