22 октября 2008 г.
Чылай ялта асфальтлă çул кирли паллă. Тепĕр чухне, çанталăк йĕпе-сапаллă вăхăтра, ялсене кĕрсе тухма та çук. Патшалăх шайĕнче ку ыйтăва пысăк тимлĕх уйăрни лару-тăрăва лайăхлатас шанăç пур.
ЧР Строительствăпа обществăлла инфраструктура министерствин патшалăх экспертизин Управленийĕ нумаях пулмасть хамăр районти Хапăс ялĕнчи Центральнăй урампа хывмалли автоçулăн проект документацине пăхса тухнă.
Шанчăклăха тата эксплуатаци хăрушсăрлăхне тивĕçтерес тĕллевпе Управлени халĕ ĕçлекен электропередача линине, çĕр çийĕнчи пĕчĕк пусăмлă газ пăрăхĕсене урăхлатма, çуран çÿремелли çулсем хĕресленнĕ вырăнсене йĕркелеме; çул хăрушсăрлăхне тата çутçанталăк сыхлăхне тивĕçтерме тата строительствăн смета хакне тĕрĕслеме сĕнÿсем панă.