08 октября 2008 г.
Хăйсен территорийĕнче çул-йĕр тăвасси çине тимлĕрех пăхас пирки ыйту хускатсан Çавалкасри хăй тытăмлăх органĕн пуçлăхĕ Петр Иванович Краснов çапла хурав пачĕ:
– Çул такăр, пылчăксăр, шăтăк-путăксăр пулсан, кирек мĕнле вырăна çитме те шанчăклă, вăхăчĕ те перекетленет, техники те çĕмĕрĕлмест. Акă мĕншĕн çĕнĕ çулсем тăвас, вĕсене асфальт сарса хытарас ыйтăва эпир кун йĕркинчен кăлармастпăр. Халĕ Сăкăтпа Кивçурт Мăрат ялĕсене асфальтлă çулпа çыхăнтарасшăн. Вăл 2500 метр тăршшĕ пулать. Çĕнĕ çула строительсем кăçăлах хута яма палăртаççĕ.