27 сентября 2008 г.
Сентябрĕн 19-мĕшĕнче 20 сехет те 35 минут тĕлĕнче, «Канал – 2008» оперативлă профилактика операцине ирттернĕ май, Вăрнар çывăхĕнчи пĕр ялтан тухнă çĕрте «Шырав» ушкăн 33-ри арçынна, Вăрнарта пурăнаканскерне, тытса чарнă. Вăл çак вăхăтра наркотикпа усă курса «йĕрĕлнĕ» пулнă. Каярахпа палăртнă тăрăх, арçын çав ялтах пурăнакан амăшĕн кил-çуртĕнче типĕ мăкăнь улăмне саккунсăр майпа упранă.
Сентябрĕн 18-мĕшĕнче 18–19 сехет хушшинче Вăрнарта, Ленин урамĕнче, К. хăпартакан çĕнĕ çуртра хальлĕхе тупса палăртман çын хуçаланнă. Вăрă кунта ирĕклĕнех кĕрсе тухнă, шлифовка тумалли «MAKITA» машинкăна йăтса кайнă.