13 августа 2008 г.
Çанталăк уяртса янăран ĕç хăвăртланчĕ. Районĕпе илсен çурла уйăхĕн 11-мĕшĕ тĕлне ял хуçалăх предприятийĕсем тĕш тырăсене 2195 гектар (15,5 процент) çинчен çапса тĕшĕленĕ. Гектарти тухăç – 31 центнер.
«Мураты» кооперативра ĕç уйрăмах кал-кал пырать. Хуçалăхра пĕрчĕллĕ культурăсем 539 гектар йышăнаççĕ, 260 гектар çинчен тыр-пула вырса çапнă. Тухăç – 40 центнер, уйрăм лаптăксенче уй-хир ылтăнĕ 50–60 центнер та тухать.
«Санары» агрофирмăн уй-хирĕнче тăватă комбайн ĕçлет. Çак вăхăта тырă 160 гектар вырнă, тата юлнă – 629 гектар. Тухăç – 43 центнер.
Аш-какай комбиначĕн хушма хуçалăхĕнчи комбайнерсем ĕç планне 18 процент пурнăçланă. Тухăç пысăк.