10:20 13 января 2016 г.
Вăрнар район хаçачĕн редколлегийĕ редакци çирĕплетнĕ Анатолий Емельянов ячĕллĕ премийĕн икĕ лауреатне палăртрĕ.
Вĕсенчен пĕри – хаçатăн çур ĕмĕрхи тусĕ, Хурăнсур Çармăсра пурăнакан Калистрат Алексеевич Воробьев. Вулакансем ăна çивĕч сăввисенчен аван пĕлеççĕ. Хăй вăхăтĕнче вăл «Çĕнтерÿ çулĕ» хаçатра та вăй хунă. Малтанхи сăввисем пичетре 1957 çулта тухма тытăннă. 1977 çултанпа – СССР Журналистсен союзĕн членĕ. Ятне чăваш литературин антологине кĕртнĕ.
Тепĕр лауреат – Вăрнарта пурăнакан Вениамин Иванович Сорокин (ВенСОР). Хаçат тусĕсене вăл юлашки çулсенче сăвăсем, калавсем чылай парнелерĕ. Пĕлтĕр унăн «Шуçăм сăввисем» кĕнеке пичетленсе тухрĕ. Çавăн пекех ăна Чăваш Республикин Писательсен союзĕн ретне илчĕç.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии