14:34 13 ноября 2015 г.
Хальхи вăхăтри тата ресурс перекетлекен техникăпа усă курни – аталанмалли тĕп çăлкуç. Район администрацийĕн ял хуçалăхĕпе экологи пайĕнчен пĕлтернĕ тăрăх, кăçалхи чÿк уйăхĕн 1-мĕшĕ тĕлне агропромышленность комплексĕнчи организацисем мехпарксене 38 миллион та 49 пин тенкĕлĕх пуянлатнă. Пĕлтĕр çак кăтарту пĕчĕкрех пулнă: хуçалăхсем хăйсен нухратне тата кредит ресурсне пĕтĕмпе 30 миллион та 840 пин тенкĕ явăçтарнă.
Пуçаруллă утăмсем «Победа», «Янгорчино», «Луч», Карл Маркс ячĕллĕ, «Мураты» предприятисенче тата Вăрнарти типĕтнĕ сĕт заводĕнче тунă, машинăпа техника паркне çĕнетнĕ.Тĕслĕхрен, тепĕр çул хирпуçсен, çĕрпелсен, çавалкас-мăратсен уй-хирне çĕнĕ йышши комбайнсем ĕçлеме тухĕç.
Ял хуçалăх машинисемсĕр сулмаклă утăмсемпе аталанайманнине фермерсем те витĕр кураççĕ. Çак вăхăт тĕлне Валентин Павлов, Виталий Яковлев, Владимир Мураков, Александр Аврамов, Петр Самаров, Вера Дмитриева, Александр Козлов хуçалăхĕсем тĕрлĕ техникăпа пуянланнă. Çав шутра – урапаллă трактор, косилка, тĕрлĕ ĕç тăвакан погрузчик, выльăх апачĕ валеçмелли агрегат, сеялка, пресс-подборщик.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии