09:39 28 октября 2015 г.
«Петр Петров призерсен йышне кĕме пултарать», – пĕлтерчĕ эрнекун Юрий Агилов тренер-преподаватель спортсменсем помост çине тухиччен.
Чăн та, ун шанăçĕ тÿрре тухрĕ. Хамăр ентеше, йывăр атлетика «çăлтăрне» Виктор Андреева асăнса ирттернĕ республика турнирĕнче каччă çĕнтерÿ пьедесталĕн иккĕмĕш пусми çине хăпарма тивĕçрĕ.
Каламалла, ăмăртăва хутшăнма районсенчи суйлавлă тупăшусем хыççăн чи вăйлă результатсене кăна кĕртнĕ. Пĕтĕмĕшле – 51 спортсмена: хĕрсем 17-ĕн, каччăсем 34-ăн.
Титул ирĕк панă пулсан, Вăрнарти турниртан хĕрсем хушшинче икĕ спорт мастерĕ, каччăсенчен виçĕ спорт мастерĕн кандидачĕ тухмаллаччĕ. Результачĕсем чаплă.
Вăрнар районĕн командине илес пулсан ачасенче пуринче те спорт хавхаланăвĕ пысăк. Йывăр атлетикăпа анчахрах туслашнă вĕсем, апла пулин те кăтартăвĕсем пур. Команда результатне каялла «туртаканни» пĕр сăлтав кăна – унта хĕрачасем çукки.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии