08:42 21 октября 2015 г.
Нумай функциллĕ центрсене туса хуни çынсене вăл е ку документа илме пÿлĕмрен пÿлĕме, организацирен организацие çитессинчен хăтарчĕ. Районта пурăнакансем паян ун тивĕçтерĕвĕсемпе анлă усă кураççĕ.
Вăрнарти нумай функциллĕ центра кăçал акă Росреестр енĕпе чи нумай заявлени килнĕ – 7823. 3317 заявлени харпăрлăх прависене регистрацилес, 2088 – кадастр учечĕпе, 1731 – ЕГРП сведенийĕсем енĕпе тата ытти те.
Федераллă миграци служби енĕпе – 1634 заявлени. Ытларахăшĕ (875) учета тăрассипе тата регистрацирен тухассипе çыхăннă. Çавăн пекех ют çĕршыв паспортне илес текенсем 134-ăн, Раççей паспортне илес текенсем 64-ăн пулнă. Ют çĕршыв çыннисем 32-ĕн тивĕçтерÿ илнĕ.
Çынсем çавăн пекех социаллă хÿтлĕх пайне (801), вырăнти хăйтытăмлăх органне (155), Раççей Шалти ĕçсен министерствине (76), Раççей Пенси фондне (38), Чăваш ен экономика тата транспорт министерствисене (6-шар) ыйтса çырнă.
Районти нумай функциллĕ центрта тимлекенсем (тăватă специалист) çавăн пекех граждансене тĕрлĕ ыйтупа консультацисем панă.
Нумай функциллĕ центр ĕç кунĕсенче пĕр тăхтавсăр 8-тан пуçласа 20 сехетчен, шăматкун 8-тан пуçласа 13 сехетчен ĕçлет. Çынсем йышăнăва 25747 телефонпа та çырăнма пултараççĕ.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии