09:33 14 октября 2015 г.
Чăваш енĕн агропромышленность комплексĕн 20 предприятийĕ Мускаври «Ылтăн кĕркунне – 2015» курава хутшăннă. Вĕсем кăтартнă 53 продукцирен 50-шĕ медальсене тивĕçнĕ.
Вăрнарти аш-какай комбиначĕн кăçал та Пĕтĕм Раççейри курава тăратнă мĕнпур продукцине пысăк хак панă. Пĕçернĕ «Домашняя свиная», çурма тĕтĕмленĕ «Испанская» кăлпассисем тата «Свинина тушеная» консерва кĕмĕл медальсене тивĕçнĕ.
Чĕрĕлле тĕтĕмленĕ «Сервелат по-фински» кăлпассие тата «Пармская» ветчинана «ылтăнпа» хакланă.
Кураври çитĕнÿ – пысăк ĕçĕн кăтартăвĕ. Агрохолдинг продукци пахалăхне ÿстерсе пырассине çуллен çĕнĕ технологисемпе шухăшсем хывать, ассортимента çĕнетсе, пуянлатса пырать.
«Ылтăн кĕркунне» куравра Иван Федоров хресчен (фермер) хуçалăхне те ырăпа палăртнă. Хурт-хăмăр продукцине туса илес ĕçри пысăк кăтартусемшĕн ăна бронза медальпе чысланă.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии