08:46 07 октября 2015 г.
Виçĕмкун районта гражданла оборона енĕпе Пĕтĕм Раççейри командăпа штаб вĕренĕвĕн йĕркипе пысăк масштаблă чрезвычайлă пулăмсене тата пушара асăрхаттарас тата путлантарас енĕпе тренировка иртрĕ.
Тревога сигналĕ ял-хула поселенийĕсен пуçлăхĕсене, аварипе çăлав йĕркеленĕвĕсен, пушар хăрушсăрлăхĕн ĕçченĕсене район администрацийĕ умĕнчи площаде пуçтарчĕ. Ертÿçĕсем район администрацийĕн пуçлăхĕн тивĕçĕсене вăхăтлăха пурнăçлакан Вячеслав Горбунова, ятарлă программăсен пайĕн пуçлăхне Федор Тимофеева инкеклĕ пулăмсемпе «кĕрешме» хатĕр пулнине пĕлтерчĕç. Уйрăмах йывăр лару-тăрăва сирсе яракан техникăна йĕркипе лартса тухнă, радиаци, хими тата биологи асăрхавĕн постне, апат-çимĕç тата япаласемпе тивĕçтерекен куçса çÿрекен, çавăн пекех эвакуаци пункчĕсене йĕркеленĕ.
Кăткăс лару-тăрăва сирсе ярассипе йĕркеленĕ практикăллă мероприятие çамрăк ăрăва хутшăнтарни пĕлтерĕшлĕ. Вĕсем сиксе тухма пултаракан пулăмсен чăнлăхне пĕлни пăсмасть. Район территорийĕнче тимлекен МЧС, пушар хуралĕн ĕçченĕсем Вăрнарти 2-мĕш шкул ачисене пирвайхи хÿтĕлев, çăлав хатĕрĕсемпе паллаштарчĕç.
С.ЧИКМЯКОВА
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии