10:57 23 сентября 2015 г.
Сентябрĕн 15-мĕшĕнче Чăваш енре ытти регионсенчи пекех Пĕтĕм Раççейри ял хуçалăх çыравĕн яваплă хатĕрленÿ тапхăрне вĕçленĕ – регистраторсем 2016 çулта суйласа тĕпчеве лекекен объектсен списокĕсене тĕрĕслесе пĕтернĕ.
107 регистратор çынсен уйрăм тата ытти хуçлăхсем тĕлĕшпе ыйтусене уçăмлатнă. Вĕсем çĕр лаптăкĕсем пурри-çуккипе, вĕсен виçипе, выльăх-чĕрлĕх тытнипе кăсăкланнă, пахча-сад, дача пĕрлешĕвĕсене çитсе усă куракан е курман çĕрсемпе кăсăкланнă. Тĕрĕслеве Элĕк, Патăрьел, Хĕрлĕ Чутай тата Шăмăршă районĕсенче кăна ирттермен.
Икĕ эрнере 38 пин ытла уйрăм хуçалăхра, коммерциллĕ мар 746 пĕрлешÿре пулнă.
Аса илтеретпĕр, Пĕтĕм Раççейри ял хуçалăх çыравĕ 2016 çулхи июлĕн 1 – августăн 16-мĕшĕсенче иртет.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии