10:52 23 сентября 2015 г.
Пĕтĕм Раççейри «Библиотекăсем тата экологи: экологи информацийĕ, культура, вĕрентÿ» конкурсне пĕтĕмлетнĕ. Унта çĕршыври чылай вулав çурчĕ хутшăннă. Çĕнтерÿçĕсен йышĕнче Чăваш енри библиотекарьсемпе вулакансем те пур. Вăл шутра – Вăрнар районĕнчен те.
«Экоэссе» номинацире акă «Кÿлхĕрри кÿллин экологи тăрăмĕ» ĕçĕпе Альбина Венедиктова тата «Хамăр планетăна хÿтĕлер» пĕрлехи ĕçпе Иван Раковпа Рената Ракова палăрнă. Вĕсем бронза диплома тивĕçнĕ.
Çакнашкал дипломах «Экологи кроссворчĕ» номинацире «Пирĕн Çĕрĕн экологийĕ» ĕçпе Альбина Алексеевапа Регина Петрова, «Экологи плакачĕ» номинацире Ирина Прокопьевапа Клара Сюмайкина çĕнсе илнĕ.
Инна Прокопьеван – кĕмĕл диплом. Ăна вăл экологи темипе çыхăннă ÿкерчĕксен конкурсĕнче тивĕçнĕ.
С.СВЕТЛОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии