10:15 19 сентября 2015 г.
Районти тĕп библиотекăра куç курманнипе аптăракансем валли вулав кĕтесĕ уçнă.
Л.Н.Толстой ячĕллĕ республикăри ятарлă библиотека тата районти централизациленĕ библиотека системи куç курманнисене литературăпа тивĕçтерес тĕлĕшпе килĕшÿ çырнă. Кĕнекесене брайлев е рельефлă-точкăллă шрифтсемпе наборланă, саспаллисем шултра. Çавăн пекех аудиокассетăсемпе тата электронлă майпа сасăллă кĕнекесене итлеме май пулĕ. Тифлокомментариллĕ фильмсене те çитерĕç.
Кунашкал литература куç курманнисен обществин вырăнти организацийĕнче те пур. Малашне вĕсене район библиотекинче те илсе вулама, кирлĕ кĕнекене заказ тума пулать.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии