09:14 16 сентября 2015 г.
Эрнекун районти 12 тăлăх ачашăн савăнăçлă кун пулнă – вĕсем çĕнĕ хваттер уççисене алла илнĕ
Ашшĕ-амăшĕн хÿттисĕр юлнă ачасем валли поселокри Ленин урамĕнчи 45-мĕш позицире çурта Иван Сандомиров ертсе пыракан хуçалăхсем хушшинчи «Вурнарская» организаци кĕске вăхăтра çĕклесе лартрĕ, хăтлăх кĕртрĕ, хваттерсене уçă илнĕ кунранах пурăнмалла туса пачĕ.
– Сирĕн ĕмĕт пурнăçланчĕ, халĕ эсир хăтлă условисенче пурăнма тытăнăр. Йĕркеллĕ, çĕршыв патриочĕсем пулăр, çирĕп çемье çавăрăр, ачăрсене телейлĕ малашлăх парнелĕр. Патшалăх сире пурнăçăн малтанхи утăмĕнче мĕнлерех парне кÿчĕ! – саламланă район администрацийĕн пуçлăхĕ Леонид Николаев çамрăксене уçăсем тыттарнă май.
Пурнăçăн тĕрлĕ сăлтавне пула ашшĕ-амăшĕн хÿттисĕр юлнă çамрăксем çывăх вăхăтрах çĕнĕ вырăна куçассине палăртнă.
Пĕлтĕр Чернышевский урамĕнче 30 тăлăха хваттерсемпе тивĕçтернĕччĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии