Новости » Çĕнĕ йĕркепе

08:59 11 марта 2015 г.

Украина правительствин пĕр енлĕ йышăнăвĕпе килĕшÿллĕн, кăçалхи мартăн 1-мĕшĕнчен Раççей Федерацийĕн гражданĕсен кÿршĕллĕ çĕршыва ют çĕршыв паспорчĕпе кăна кĕме-тухма юрать. Çавăнпа та федераллă миграци службин республикăри управленийĕ граждансене ют çĕршыв паспорчĕсене вăхăтра хатĕрлеме сĕнет. Заявление электронлă мелпе патшалăх тата муниципаллă тивĕçтерÿсен пĕрлĕхлĕ порталĕ урлă е миграци службин подразделенине килсе çырма пулать. Ют çĕршыв паспортне хатĕрлеме заявленисĕр пуçне патшалăх пошлинине тÿлени çинчен квитанци, тĕслĕ икĕ сăнÿкерчĕк, Раççей паспорчĕ тата копийĕ, (ачасен – çурални çинчен свидетельство тата копийĕ), халĕ усă куракан ют çĕршыв паспорчĕ кирлĕ.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии