Новости » Республика ăмăртăвне хутшăнасшăн

16:54 20 февраля 2015 г.

Хапăсри вăтам шкулти çамрăк пушар сÿнтерекенсен дружини аслă юлташĕсемпе – МЧС службин районти сотрудникĕсемпе – туслă çыхăну тытать. Çак кунсенче вĕренекенсем патĕнче хăнара Вăрнарти 27-мĕш пушар чаçĕн инженерĕ Ирина Максимова тата ВДПО-н Вăрнарти вырăнти уйрăмĕн председателĕ Людмила Калитова пулнă. Пушар хуралĕн ĕçченĕсем ачасене инкексем тĕлĕшпе районти лару-тăрупа паллаштарнă, вĕсен сăлтавĕсене аса илнă май хăрушсăрлăх правилисене çирĕп пăхăнмаллине асăрхаттарнă. Ачасем тест ыйтăвĕсене те аван хуравланă, вут-çулăм сиенĕнчен хÿтĕленме пĕлнине кăтартнă.

Вĕренекенсен тĕллевĕ пысăк – кăçал вĕсем «Çамрăк пушар сÿнтерекенсен слечĕ» республика конкурсне хутшăнасшăн. Ăмăрту условийĕсем паллă ĕнтĕ, ĕмĕте пурнăçлама кунсерен хатĕрленмелли кăна юлать.

И.ЯКОВЛЕВА.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии