15:48 25 февраля 2014 г.
Чăваш Республикин Строительство, архитектура тата çурт-йĕрпе коммуналлă хуçалăх министерстви пĕлтĕрхи «Чăваш енĕн чи тирпейлĕ ял (хула) тăрăхĕ» конкурса пĕтĕмлетнĕ, ăна Чăваш Республикин Министрсен Кабинечĕн йышăнăвĕпе çирĕплетнĕ.
Конкурса пĕтĕмлетнĕ чухне вырăнти хăй-тытăмлăх органĕсем пурăнмалли çурт-йĕрпе коммуналлă хуçалăх аталанăвне, муниципалитет йĕркеленĕвĕн хăтлăхĕн шайне ÿстерессишĕн мĕнле ĕçленине, ятарлă программăсене пурнăçа кĕртнине, экологи тăрăмне пăхăннине тата ыттине шута илнĕ.
Территорире пурăнакан çынсен шутне тĕпе хурса муниципалитетсене тăватă ушкăна уйăрнă. 2013 çулхи ĕç пĕтĕмлетĕвĕпе тупăшăвĕн тĕрлĕ номинацийĕнче Вăрнар поселокĕ те çĕнтернĕ тесе йышăннă, ăна та Пĕтĕм Раççейри конкурса хутшăнма сĕннĕ. Çĕнтерÿçĕсене хавхалантарма республика бюджетĕнчен 1 млн тенкĕ уйăрнă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии