Новости » Кавир çинче

15:10 18 февраля 2014 г.

Ирĕклĕ майпа кĕрешекенсем те хăйсен çĕнтерĕвне Сочири Олимпиадăна хутшăнакансене халалларĕç. Орест Маркиянов ячĕллĕ республикăри уçă турнирта саккăрăн тан çĕнтерÿ пьедесталĕ çине хăпарма тивĕçнĕ. Вăрнарти 1-мĕш вăтам шкулта вĕренекен Никита Львовпа Дмитрий Львов чемпионсем пулса тăнă. Ку шкултах пĕлÿ илекен Дмитрий Шерстнев тата 2-мĕш шкулта вĕренекен Александр Кадыков кĕмĕл медальсемпе таврăннă. 2-мĕш шкулти Алексей Тимофеев тата Алексей Краснов, Кĕçĕн Кипек шкулĕнчи Вадим Иванов тата Санарпуç шкулĕнчи Константин Александров виççĕмĕш вырăнсене йышăннă.

Маларах Патăрьел районĕнче Владимир Семенов парнисемшĕн иртнĕ турнирта та ăнăçлă ăмăртнă Вăрнар кĕрешÿçисем. Настя Ивановапа Наташа Дмитриева – чемпионсем, Надя Красновапа Марина Осипова – кĕмĕл, Диана Яковлевапа Сергей Кириллов – бронза призерсем.

С.ЧИКМЯКОВА.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии