16:11 14 февраля 2014 г.
Сочинче Хĕллехи Олимп вăййисем уçăлнă кун Калининăри вăтам шкул район тăрăх куçса çÿрекен факел эстафетине йышăнма тивĕçнĕ. Çак ятпа шкулта «Салют Олимпиаде!» пысăк уяв иртнĕ. Савăнăçлă лару-тăрура уява шкул директорĕ, РФ пĕтĕмĕшле вĕрентĕвĕн хисеплĕ ĕçченĕ Татьяна Ефимова, велоспорт енĕпе республика чемпионĕ Лев Ефимов тата физкультура учителĕ Александр Михайлов (иккĕшĕ те РФ пĕтĕмĕшле вĕрентĕвĕн хисеплĕ ĕçченĕсем) уçнă.
Праçникре ку шкултан вĕренсе тухнă пултаруллă спортсменсем хаклă хăнасем пулчĕç, вĕсем – çăмăл атлетика енĕпе Чăваш ен чемпионки Анастасия Петрова, хĕллехи полиатлон енĕпе республикăн темиçе хут чемпионĕ Елена Иванова, район тата республика шайĕнчи ăмăртусен çĕнтерÿçи тата призерĕ Регина Галкина. Вĕсем пурне те сывă пурнăç йĕркине тытса пыма, тăван шкулăн спортри çитĕнĕвĕсене пĕрмаях ÿстерме чĕнсе каланă.
Уява 5 класра вĕренекенсен фитнес-ташши, тăххăрмĕшсен спорт ташшисем, мĕн пур класри ачасем хатĕрленĕ салам сăмахĕсем илемлетнĕ.
Хамăр инф.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии