16:09 14 февраля 2014 г.
«АК БАРС АЭРО» авиакомпани Шупашкартан Уфана тата Самарăна авиарейссем пурнăçлассине малалла тăсать. Шупашкар аэропортĕнче февралĕн 17, 19-мĕшĕсем валли билетсем туянма пултаратăр.
Шупашкартан Уфана самолет тунти кун, юн кун, эрне кун 9 сехет те 55 минутра вĕçсе тухать, 14 сехетре çитет. Пушкăртстан тĕп хулинчен каялла вырăнти вăхăтпа 14 сехет те 40 минутра тухать, Шупашкара 15 сехетре çитет.
Самарăна самолет кашни эрнерех çав кунсенчех 15 сехет те 35 минутра вĕçет, «Курумоч» аэропортра 17 сехет те 5 минутра пулать. Каялла килекен рейссене те çав кунсенчех пурнăçлаççĕ. Самарăран 7 сехет те 45 минутра тухса Шупашкара 9 сехет те 20 минутра çитеççĕ. Ку вĕçевсене пурнăçлакан тăхăр вырăнлă Cessna Ca ra van – 208» сывлăш таксисем çинчен информаци аэропорт телефонĕсемпе (301-487, 30-11-10) тата «Дорисс Тур», «Лована» турагентствăсен номерĕсемпе (621 – 471, 622 – 245, 627 – 217) шăнкăравласа ыйтса пĕлме пултаратăр.
«Уфа» аэропорт – паянхи кун ыйтнине тивĕçтерекен, çĕнĕ йышши авиакомплекс, сывлăш карапĕсен мĕн пур тĕсне йышăнать. Интернет-сайчĕ: www.airportufa.ru. Ыйтса пĕлмелли телефонсем: Ç7 (347) 229-52-95, (347) 229-58-14, (347) 229-57-72, (347)– 229-51-89, (347) 229-54-21 (билетсене йышăнса хумалли тата суту-илÿ пайĕ).
Самарăри «Курумоч» аэропорт – Атăл тăрăхĕнчи чи пысăк аэропорт, Раççейри рейтингра тăххăрмĕш вырăн йышăнать. Çыхăну телефонĕсем, 8-800-1000-333 (шăнкăрав тÿлевсĕр), (846) 966-51-22, 966-55-86.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии