16:18 04 февраля 2014 г.
Çак уйăхра, февраль тăршшĕнче, район территоринче, пĕтĕм республикăри пекех, «Снегоход» операци иртет. Самоход-машинăсемпе тата ытти тĕрлĕ техникăпа мĕнле усă курнине тĕрĕслес тĕллевпе ку мероприятие Гостехнадзор инспекцийĕ, Шалти ĕçсен министерстви, Гражданла оборонăпа чрезвычайлă ситуацисен патшалăх комитечĕ, патшалăхăн чĕр-чун тĕнчин объекчĕсене асăрхаса тăракан служби пĕрле ирттереççĕ. Техникăна мĕнле упратпăр; Хăрушсăрлăха пăхăнатпăр-и; Мототранспорт хатĕрĕсемпе усă курнă май тăван тавралăха упрамаллине шута илетпĕр-и; Регистраци правилисене туллин пурнăçланă-и; Техосмотрта пурте пулнă-и; Тĕрĕслевре çак ыйтусем тĕпре тăрĕç. Срокне ирттерсе кивелнĕ техникăран хăтăлмалла пулать. Транспорт хатĕрĕ туянтăн – ăна вунă кун хушшинче регистрацилемелле, унсăрăн явап тыттарĕç.
И.ТИМОФЕЕВ,
Гостехнадзорăн Вăрнар районĕнчи аслă госинспекторĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии