10:54 29 января 2014 г.
Пĕлтĕр Вăрнарти ведомствăна пăхăнман хурал пайĕн коллективĕ харпăрлăхçăсен сыхлава илнĕ пурлăхĕн сыхлăхне тивĕçтерессине, преступленисене тата административлă правăна пăснă тĕслĕхсене асăрхаттарассине, граждансем чылай пухăнакан вырăнсенче йĕркелĕхе çирĕплетессине тĕпе хурса тимленĕ. Çавăн пекех сотрудниксен професси хатĕрленĕвĕн шайне ÿстерессине те тимлĕхе хунă.
Пĕтĕмĕшле илсен, Вăрнарти пай федераллă бюджета хывнă тупăш иртнĕ çулта 3956 пин тенкĕпе танлашнă – плана 10 процент ирттерсе тултарнă. Вăрнарти ведомствăна пăхăнман хурал пайĕн ĕç-хĕлне мĕнпур кăтартупа аван хакланă. Сыхлава илнĕ объектсенчен пурлăха çаратнă тĕслĕхсем пулман.
Кунсерен дежурствăна тухакан экипажсем пульт çине килнĕ 313 сигнала тĕрĕсленĕ. Çав шутра – сигнализаци хатĕрĕсем ĕçленипе – 178 тĕслĕх. Йĕркене пăснăшăн шалти ĕçсен пайĕн дежурнăй чаçне 32 çынна илсе килнĕ. «02» служба пĕлтерĕвĕсемпе те 423 тĕрĕслев ирттернĕ.
Чăваш Республикин Шалти ĕçсен министерствин информаци центрĕн кăтартăвĕсем тăрăх, Вăрнарти ведомствăна пăхăнман хурал пайĕн нарячĕсем каярахпа уголовлă ĕç пуçарнă 6 преступление уçса панă.
Урамсенче тата обществăлла ытти вырăнта административлă йĕркене пăснăшăн 903 çынна тытса чарнă, çакă виçĕм çулхинчен 271 ытларах.
Çулталăк вĕçленнĕ тĕле хурал пайĕнче сыхлавра 73 объект, 29 хваттер тата уйрăм çынсен пурлăхĕ упранакан 17 вырăн пулнă. Пĕлтĕрхи 12 уйăхра ведомствăна пăхăнман хурал тытăмне 19 объекта илнĕ, 3 объекта – «Вурнарский» пай хутшăннипе. Çавăн пекех 11 хваттер тата уйрăм çынсен пурлăхĕ упранакан 15 вырăн харпăрлăхçисем централизациленĕ хурал тĕлĕшпе килĕшÿсем çырнă.
Çирĕплетсе калама пултаратпăр, хваттер-çуртсене, предприяти-организацисен çурчĕсене, тĕрлĕ объектсене, пурлăха техника хатĕрĕсем вырнаçтарса хураллама шанни паянхи кун вăрласси-çаратассинчен асăрхаттармалли тĕп мел пулса тăрать.
В.ПАВЛОВ,
Вăрнарти ведомствăна пăхăнман хурал пайĕн пуçлăхĕ
полици капитанĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии