Новости » Тÿрĕ кăмăлпа ĕçленĕшĕн

10:47 29 января 2014 г.

Оригинал

Сывлăх сыхлавĕнче, çынсене сиплес ĕçре чунпа тимлекенсем, чирлисен пурнăçне сыхласа хăварассишĕн ырми-канми тăрăшакансем чăннипех пысăк хисепе тивĕçлĕ. Çакăн пек çынсенчен пĕри – районти тĕп больницăра операци медсестринче 42 çул вăй хунă Светлана Кузьминична Фирсова. Çав шутран вăл 31 çул ку уйрăмăн аслă медицина сестрин тивĕçĕсене пурнăçланă. Халĕ тивĕçлĕ канăва тухнă.

Сывлăх сыхлавĕнче палăрнăшăн тата нумай çул тÿрĕ кăмăлпа ĕçленĕшĕн РФ Сывлăх сыхлавĕпе социаллă аталану министерствин приказĕпе Светлана Кузьминичнана «Сывлăх сыхлавĕн отличникĕ» паллăпа чысланă. Пысăк наградăна ăна Николай Тинюков тĕп врач савăнăçлă лару-тăрура ĕçтешĕсем умĕнче пачĕ.

М.ДЕМЬЯНОВА.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии