09:33 27 января 2014 г.
Ленинграда нимĕç фашисчĕсен блокадинчен хăтарнăранпа 70 çул çитнĕ ятпа Пĕрремĕш канал «Ладога – дорога жизни» нумай сериллĕ фильмăн премьерипе паллаштарать. Валерий Тодоровскипе Александр Велединскин çĕнĕ картинин пĕрремĕш серине кăрлач уйăхĕн 27-мĕшĕнче кăтартĕç.
Тăватă сериллĕ картина никĕсĕнче – машина-«полуторкăн» водителĕн историйĕ, вăл блокадăри Ленинграда апат-çимĕç турттарнă. Хулана юр-вар илсе çитерес тĕллевпе тĕп сăнарăн Пурнăç çулĕ – пăрланса ларнă Ладога кÿлли – урлă çÿреме тивет.
«Ладога – дорога жизни» фильма ÿкермешкĕн «Ленфильм» киностуди специалисчĕсем легендăна кĕрсе юлнă икĕ «полуторкăна» ятарласа юсаса çĕнетнĕ. Шăпах çак машинăсем блокада çулĕсенче Ленинграда хăтарнă.
Ку фильм – Ленинградра пурăннисене тивĕçлипе асăнни, вĕсен чăтăмлăхне хисепленине кăтартни. Тĕп рольсенче Андрей Мерзликин, Ксения Раппопорт, Юрий Кузнецов, Юрий Уткин, Алексей Серебряков ÿкерĕннĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии