10:03 22 января 2014 г.
Районти çамрăк кĕрешÿçĕсем тата тепĕр савăнăçлă хыпар илсе килчĕç. Мускавра ку тĕспе тава тивĕçлĕ спорт мастерĕн Елена Егошинан парнисене çĕнсе илессишĕн иртнĕ Пĕтĕм Раççейри турнирта Санарпуçĕнчи шкулта вĕренекен Настя Дмитриевапа Линда Журавлева çĕнтерÿ пьедесталĕн виççĕмĕш пусми çине хăпарма тивĕçнĕ.
Виталий Трофимов тренерăн вĕренекенĕсем кавир çине Чăваш Республикин пĕрлештернĕ команди йышĕпе тухнă.
Кĕрешÿçĕсем, тренерсем сумлă турнира хутшăнма пулăшнăшăн «Рабица» ертÿçине Евгений Архипова, Валерий Казанков уйрăм предпринимателе тата «Энергостроймонтаж» тулли мар яваплă общество ертÿçине Рифкат Киметова тав тăваççĕ.
Виталий Петровичăн тепĕр воспитанникĕ – Настьăн аппăшĕ Наташа Дмитриева Раççейре виççĕмĕш вырăн йышăннине пĕлтернĕччĕ. Хĕрачана нумаях пулмасть Раççей спорт мастерĕн кандидачĕн ятне панă.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии