09:40 22 января 2014 г.
Эрне кун Чăваш ен Пуçлăхĕ Михаил Игнатьев Чăваш енри Культура çулталăкне уçас чаплă саманта хутшăннă. Вăл республикăри культурăпа искусство патшалăх учрежденийĕсен, ку сферăри вĕренÿ учрежденийĕсен тата архивсен экспозицийĕсемпе тата презентацийĕсемпе паллашнă.
Мероприятие уçнă май, Чăваш ен Пуçлăхĕ Раççей Президенчĕн Владимир Путинăн сăмахĕсене аса илтернĕ: «Культура çулталăкĕ чăннипех те вĕрентÿллĕ, хамăрăн культура тымарĕсем патне тавăракан, патриотизм, кăмăл-сипет тата мораль ыйтăвĕсене çĕклекен çулталăк пулма тивĕç».
– Чăваш халăхĕ авалтанах хăйĕн культура пурлăхне чыслă упранă, ăруран ăрăва куçарса пынă, – тенĕ Михаил Игнатьев, Культура çулталăкĕнче литература, музыка, живопиç çинчен кăна мар, калаçу тата харпăр-хăйне тытма пĕлес культура, ĕç тата производство культури çинчен те калаçмаллине асăрхаттарса. Культурăна ÿстерсе пырасси норма пулса тăмалла, тенĕ вăл федераци шайĕнче юбилейлă икĕ датăна – Шупашкар хулине йĕркеленĕренпе 550 çул тата Чăваш автономине туса хунăранпа 100 çул çитнине – уявлама хатĕрленни республикăшăн аталанма хĕтĕртекен тĕп сăлтав пулнине палăртса.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии