09:35 22 января 2014 г.
Чăваш енри вырăнти хăй тытăмлăх органĕсем 2013 çулхи раштав уйăхĕнче ведомствăсен хушшинчи электрон çыхăну тытăмĕ (ВХЭÇТ) урлă 3,7 пин ытла ыйту янă. Ку вăл – пĕтĕм запросăн 77 проценчĕ. 2013 çулта республикăн ĕç тăвакан тата вырăнти хăй тытăмлăх органĕсенчен ВХЭÇТ урлă федераци влаç органĕсене пĕтĕмпе 94 пин ытла ыйту çитнĕ.
Çакăн пирки ЧР Информаци политикипе массăллă коммуникацисен министерствин информаци технологийĕсене ĕçе кĕртекен уйрăмĕн пуçлăхĕ Ирина Никонорова кăрлач уйăхĕн 16-мĕшĕнче ВХЭÇТ енĕпе черетлĕ хут йĕркеленĕ вĕренÿ семинарĕнче пĕлтернĕ. Унта район-хула администрацийĕсен пуçлăхĕсен çумĕсене тата асăннă тытăмпа усă курассишĕн яваплă ĕçченсене чĕннĕ. Ку хутĕнче вĕсем федераци влаç органĕсем р-сведенисем тăрăх янă запроссене мĕнле хуравламаллине вĕреннĕ. Палăртни вырăнлă: р-сведенисем – федераци влаç органĕсем халăха пулăшу кÿнĕ чухне регионсенчен ыйтса илекен кăтартусем. Чăваш ен ВХЭÇТра çак кăтартусене тестлассине 2013 çулхи раштав уйăхĕнче вĕçленĕ.
Аса илтеретпĕр: 2012 çулхи утă уйăхĕнчен пуçласа влаç органĕсене халăхран ытти органра пур сведенисене ыйтмашкăн чарнă. Ку информацие регион, федераци тата вырăнти хăй тытăмлăх органĕсен пĕр-пĕринчен ВХЭÇТ пулăшăвĕпе илмелле. Хăш-пĕр документа çеç, тĕслĕхрен, паспорта, водитель правине – пĕтĕмпе 19 документа – гражданинăн хăйĕн кăтартмалла.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии