09:47 20 января 2014 г.
Кăрлачăн 12-мĕшĕнче «Россия К» телеканалпа чăваш йăли-йĕркипе уявĕсене халалланă «Россия, любовь моя!» программа кăтартнă. Кăларăма филологи ăслăлăхĕсен докторĕ, Чăваш патшалăх гуманитари ăслăлăхĕсен институчĕн ăслăлăх ĕçченĕ Николай Егоров хутшăннă.
Нарăсăн 2-мĕшĕнче телеканалта чăваш халăх тумне халалланă иккĕмĕш кăларăм эфира тухĕ. Чăваш эрешĕн хăйне евĕрлĕхĕпе, наци капăрлăхĕпе Геннадий Иванов-Орков искусствовед паллаштарĕ.
Аса илтеретпĕр: ЧР Информаци политикин министерстви чĕннипе республикăра авăнăн 7–12-мĕшĕсенче «Россия, любовь моя!» кăларăма ÿкернĕ. «Культура» телеканал журналисчĕсем Юхмапа Пăла тăрăхĕнче чăваш туйĕнче пулса курнă, чăваш тухйисемпе хушпăвĕсене, музыка инструменчĕсене ăсталас кăткăслăхпа паллашнă. Ку çеç-и; Шÿрпе, хуран кукли пĕçерме хăнăхнă, чăваш тĕррине пахаланă, «Кĕр сăринче» савăннă, «вутта пуç тайнă».
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии