09:15 30 декабря 2013 г.
Универсаллă электронлă карттăсене (УЭК) 2015 çулхи январĕн 1-мĕшĕнчен маларах ăна илме заявлени çырманнисене те, е ăна илме килĕшменнисене те пурне те пама тытăнаççĕ. «Патшалăх тата муниципаллă тивĕçтерÿсене йĕркелесси çинчен» федераллă саккуна Раççей Патшалăх Думи çакнашкал тÿрлетÿсем кĕртнĕ.
Паян УЭКсене республикăри 13 пунктра параççĕ. Вĕсем Шупашкар, Çĕнĕ Шупашкар, Канаш, Улатăр, Çĕмĕрле хулисенче, Муркаш тата Шупашкар районĕсенче вырнаçнă.
Карттăпа пилĕк çуллăх тÿлевсĕр тивĕçтереççĕ. 20 кунтанах хатĕрлесе параççĕ. Декабрĕн 24-мĕшĕ тĕлне ăна илме республикăри 13,8 пин çын заявлени çырнă, 2,4 пин çын карттăна алла илнĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии