09:03 30 декабря 2013 г.
Чăваш ен ведомствăсен хушшинчи электрон çыхăну тытăмĕнчи (ВХЭÇТ) р-сведенисене тестлас ĕçе вĕçлесе пырать. Р-сведенисем – федераци влаç органĕсем регионсенчен халăха пулăшу кÿнĕ чухне ыйтса илекен кăтартусем.
Хальхи вăхăтра республикăра 24 сведенирен 23-шне тестланă (98:). Ку кăтартупа Чăваш ен регионсен, тестăн виççĕмĕш черетне лекнисен (пĕтĕмпе 40 регион), рейтингĕнче 3-мĕш вырăнта. Р-сведенисене тĕрĕслес ĕçе чи малтан Карачай-Черкес Республики тата Курган облаçĕ вĕçленĕ.
Пирĕн республикăра р-сведенисен тестне 2013 çулхи юпа уйăхĕн 26-мĕшĕнче ирттерме пуçланă. Унта федераци тата регион, вырăнти хăй тытăмлăх органĕсем, социаллă хÿтлĕх уйрăмĕсем, халăха ĕçпе тивĕçтерекен центрсем хутшăнаççĕ. Хальхи вăхăтра ЧР Информаци политикипе массăллă коммуникацисен министерстви пурлăх РФ субъекчĕн патшалăх пурлăхĕ е муниципалитет пурлăхĕ пулнине ĕнентерекен кăтартусене (вĕсене Росреестр ыйтать) тĕрĕслет. Ку информацие вырăнти хăй тытăмлăх органĕсем параççĕ. Р-сведенисене тестлас ĕçе çак эрнере йăлтах вĕçлеме палăртаççĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии