08:59 30 декабря 2013 г.
Çĕнĕ çул «Çĕнтерÿ çулĕ» хаçат редакцийĕн ĕçченĕсемшĕн хальхинче те савăнăçлă хыпартан пуçланать. Вăрнар район хаçачĕ виççĕмĕш хут Раççейри пичет изданийĕсем хушшинче ирттерекен сумлă конкурс çĕнтерÿçисен шутне кĕнĕ – Раççей «Прессăн ылтăн фончĕ – 2014» Паллăна тивĕçнĕ. Прессăн ылтăн фондне кĕнисен йышĕнче çавăн пекех – хамăр республикăри Муркаш, Етĕрне, Шупашкар, Красноармейски район хаçачĕсем, «Пенсионер Чувашии», «Республика», «Советская Чувашия» хаçатсем тата «Моя империя» журнал.
«Прессăн ылтăн фончĕ» проект директорĕ Ольга Бычкова Вăрнарти хаçатçăсене çак сумлă Паллăна тивĕçнипе саламланипе пĕрлех 2014 çулта пур енлĕ аталану, вулакансен йышне ÿстерсе пыма ăнăçу суннă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии