12:35 23 декабря 2013 г.
Пенси фончĕн районти ĕçченĕсем спортпа та туслă. «Спорт – ĕçре пысăк пулăшуçă, вăй-хала çирĕплетнисĕр пуçне коллектива та пĕрлештерет, ÿсĕмлĕрех вăй хума хавхалантарать», – теççĕ вĕсем.
РФ Пенси фончĕ йĕркеленнĕренпе 23 çул çитнине халалласа акă Çĕнĕ Шупашкарти спорт комплексĕнче мини-футбол енĕпе турнир иртнĕ. Унта хула-район управленийĕсен пĕрлештернĕ 8 команди вăй виçнĕ.
Малтанхи вăйăсем хыççăн финала чи хастар 4 команда тухнă. Вăрнар, Йĕпреç, Тăвай районĕсен тата Канаш хулин уйрăмĕсен ĕçченĕсен пĕрлештернĕ команди те çĕнтерÿшĕн тупăшнă. Пенси фончĕн республика уйрăмĕн тата тĕп хулари управленийĕн ĕçтешĕсене кăна выляса янă, виççĕмĕш вырăн йышăннă.
И.ЯКОВЛЕВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии