12:34 23 декабря 2013 г.
РФ Пенси фончĕн республикăри уйрăмĕ професси тĕлĕшĕнчен чи лайăххисене палăртассипе конкурс ирттерессине йăлана кĕртнĕ. Кăçалхи професси ăмăртăвĕнче Вăрнарти управлени чысне Светлана Юлмасова хÿтĕленĕ.
Ку хутĕнче конкурсра хуласемпе районсенчи управленисен клиентсемпе ĕçлекен специалисчĕсем ăсталăх тĕлĕшĕнчен тупăшнă. Вĕсенчен кашниех чи малтанах хăйĕнпе тата ĕçĕпе паллаштарнă. Иккĕмĕш тапхăр вăйă евĕр иртнĕ: тĕпре – клиентсене йышăннине тата консультаци панине кăтартасси. Çавăн пекех специалистсем пенси саккунĕсен пĕлĕвĕ тĕлĕшпе тест ыйтăвĕсене хуравланă.
Хăйĕн ĕçне лайăх пĕлекен Светлана Юлмасовăшăн нихăш тĕрĕслев те йывăрлăх кăларман. Паллаштару номерне хăйне евĕрлĕ хатĕрлеме ăна районти управленире пĕрле çума-çумăн тимлекен ĕçтешĕсем пулăшнă. Сăвăсемпе юрăсенче, видеосюжетсенче, илемлĕ сценăсенче – конкурсанткăн ĕç кунĕсене сăнлани, ăна клиентсем хаклани, районти управлени коллективĕн çитĕнĕвĕсем т. ыт. те. Вăрнар хĕрĕ кăтартнă професси пĕлĕвне те, хăнăхăвĕсене те жюри пысăк паллăпа хакланă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии