10:31 18 декабря 2013 г.
Раштавăн 16-мĕшĕнче ЧР Министрсен Кабинечĕн Председателĕ Иван Моторин республика Правительствин членĕсемпе, федерацин влаç органĕсен территори управленийĕсен тата муниципалитетсен ертÿçисемпе канашлу ирттернĕ.
Физкультурăпа спорт министрĕн тивĕçĕсене пурнăçлакан Сергей Шелтуков Шупашкар хулинче Олимп çулăмĕн эстафетине ирттересси çинчен пĕлтернĕ. Унта çулăма йăтакан 163 çын хутшăнать, вĕсенчен кашниех ăна 200 метра яхăн йăтса пырĕ. Чăваш енре эстафета тăршшĕ – 33 километра яхăн.
Иван Моторин Шупашкарта пурăнакансене эстафета маршручĕсем çинчен анлăн пĕлтермеллине каланă, мĕншĕн тесен вĕсем тăрăх харпăр хăйĕн тата общество транспорчĕпе çÿреме чараççĕ. Шупашкар хула администрацийĕн пуçлăхĕ Алексей Ладыков пĕлтернĕ тăрăх – Олимп çулăмĕн эстафетине ирттерес ыйтусемпе пресс-конференци йĕркелеме палăртнă. Автотранспорт çÿремелли схемăсене, çавра çулсен схемисене массăллă информаци хатĕрĕсенче пĕлтерĕç.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии