10:24 18 декабря 2013 г.
Аслă Устюгра пурăнакан чăн-чăн Хĕл Мучирен саламлă çыру илес килет-и; Апла пулсассăн почтăна васкăр, тусăрсене, çывăх çыннăрсене савăнтарма заявка çырса хăварăр.
Хĕл Мучирен çыру е парне илме сире Раççей Почтин уйрăмĕсем хаваспах пулăшĕç. 18 парнерен кăмăла кайнине суйласа илме пулать, кунта пĕчĕккисене валли те, аслă çынсене валли те парнесем хатĕр! Вĕсенче кашнинчех Хĕл Мучи çырнă саламлă открытка та пур.
Парне хакĕ 130 – 1200 тенкĕпе (парнине кура) танлашать.
Сайт урлă заказ тăвакансем парнесене почта уйрăмĕсенче, Раççей почтин е Logibox почтамчĕсен сайчĕсем урлă илме пултараççĕ. Уяв саламĕсене килех леçсе параççĕ.
Енчен те çывăх çыннăрсене çакăн йышши савăнăç кÿрес кăмăл пур пулсассăн сире раштавăн 23-мĕшĕччен Раççей Почтинче кĕтеççĕ. Почта ĕçченĕсем парнесене Çĕнĕ çулччен е кăрлачăн 15-мĕшĕччен кая юлмасăр пама шантараççĕ.
Кун пирки тĕплĕнрех пĕлес килет пулсассăн интернета çак адреспа кĕрсе паллашăр: pozdrav.russianpost.ru.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии