09:45 18 декабря 2013 г.
2013 çулхи январь – ноябрьте районта аш-какай туса илесси пĕтĕм категорипе шута илсен 5,8 пин тоннăпа танлашнă (çавăнтан ял хуçалăх предприятийĕсенче – 2,9 пин тонна). Пĕлтĕрхи шайăн 121 проценчĕ тейĕпĕр. Какай туса вырнаçтарассине «Вăрнарти аш-какай комбиначĕ» ОАО, «Победа», «Луч», «Янгорчино», «Броневик» ял хуçалăх предприятийĕсем ÿстернĕ, «Кольцовка» агрофирмăра, «Хорнзор», «Знамя», «Агрохмель» предприятисенче чакарнă. Пĕтĕмĕшпе республикăра Шупашкарпа Çĕрпÿ районĕсем хыççăн 3-мĕш вырăнта пыратпăр.
Вунпĕр уйăхра пурĕ 32,2 пин тонна сĕт тунă. Ял хуçалăх предприятийĕсенче – 9 пин тонна. Аш-какай комбинатĕнче, «Мураты», «Янгорчино» кооперативсенче сĕт ĕне пуçне 5047 – 5310 килограмм сунă. «Юнтапа», «Агрохмель» 2500 килогрампа çырлахнă. Паянхи куна районĕпе кашни ĕнерен талăкра 10,7 килограмм сăваççĕ. Пĕлтĕрхи тапхăртинчен 1 килограмм ытларах. «Мураты», «Янгорчино», аш-какай комбиначĕ куллен 13,4 – 16,9 килограмм сăваççĕ. Кăтартусем «Агрохмель», «Юнтапа», «Знамя» ял хуçалăх предприятийĕсенче начартарах. Сĕтпе республикăра 5-мĕш вырăна юлтăмăр (пирĕнтен маларахрисем – Елчĕк, Шупашкар, Етĕрне, Комсомольски районĕсем).
Хĕл каçмалли мăйракаллă шултра выльăх 17,8 пин, çав шутра ĕнесем 8.219. Ял хуçалăх предприятийĕсенче 6,2 пин ĕне, сăваканнисем – 2.273.
Сыснасем халлĕхе 15,5 пин. Ял хуçалăх предприятийĕсенче – 12,9 пин.
Пĕрремĕш задача: выльăх-чĕрлĕх йышне чакарма юрамасть.
Хальхи вăхăтра ĕне-выльăх фермисене ертÿçĕсемпе специалистсенчен йĕркеленĕ ушкăнсем тухса çÿреççĕ. Вун иккĕн тăватă ушкăна пайланнă. Декабрĕн 20-мĕшĕнче «Броневикре», «Юнтапара», «Агрохмельте», «Кольцовкăра», 25-мĕшĕнче аш-какай комбиначĕн фермисенче, Çĕрпелте, Уйкас Кипекре, Çăкаллă Явăшра пулаççĕ.
Г.РОМАНОВ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии