09:41 18 декабря 2013 г.
Ĕнер Правительство Çурчĕн ларусем ирттермелли Пысăк залĕнче Чăваш Республикин Пуçлăхĕ Михаил Игнатьев Чăваш Республикин Патшалăх Канашне çуллен яракан Çырăвĕпе паллаштарнă.
Ларăва ЧР Патшалăх Канашĕн депутачĕсем, Чăваш енĕн ĕç тăвакан влаç органĕсен территори ертÿçисем, йăлана кĕнĕ конфессисен пуçлăхĕсем, общество деятелĕсем, республикăри предприятисемпе организацисен, массăллă информаци хатĕрĕсен ертÿçисем хутшăннă.
Черетлĕ Çырура Правительствăпа Патшалăх Канашĕн, вырăнти хăй тытăмлăх органĕсен, предприятисемпе организацисен малашлăх ĕç-хĕлĕн çул-йĕрне палăртнă.
Çырăва хатĕрленĕ чухне республикăра пурăнакансен, общество организацийĕсен, граждан обществин ытти институчĕн представителĕсен шухăш-кăмăлне шута илнĕ.
Çырупа хаçатăн çитес номерĕнче тĕплĕнрех паллаштарăпăр.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии