10:21 11 декабря 2013 г.
Раççей Федерацийĕн Конституци кунĕнче, 2013 çулхи раштавăн 12-мĕшĕнче, РФ Президенчĕн хушăвĕпе килĕшÿллĕн, граждансене хăйсен ыйтăвĕсемпе йышăнмалли Пĕтĕм Раççейри кун иртет. Çĕршыв ертÿçин йышăну пÿлĕмĕсемсĕр пуçне çав кун федераци влаçĕн территори, регионсенчи ĕç тăвакан тата вырăнти хăй тытăмлăх органĕсен йышăну пÿлĕмĕсем ĕçлĕç.
Çавăн пекех çынсен ыйтăвĕсене видеоçыхăну, аудиоçыхăну е ытти майпа çитерессине те тивĕçтереççĕ. Çынсен ыйтăвĕсене вырăнти вăхăтпа 12 сехетрен пуçласа 20 сехетчен хуравлĕç. Йышăну пÿлĕмĕсен адресĕсене Раççей Президенчĕн официаллă тата патшалăх органĕсемпе хăй тытăмлăх органĕсен сайчĕсенче вырнаçтарнă.
Граждансене хăйсен ыйтăвĕсемпе йышăнмалли Пĕтĕм Раççейри куна Раççей Федерацийĕн Конституцине йышăннăранпа 20 çул çитнине халалланă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии