Новости » Çĕнĕ кĕнеке пулать

10:12 09 декабря 2013 г.

Чăваш ен çут çанталăк министерстви «Чувашская Республика. Водные ресурсы» кĕнеке кăларма хатĕрленет. Унăн презентацине Тури Атăл Бассейнĕн канашĕнче 2014 çулхи март уйăхĕнче ирттересшĕн. Канаш ларăвне Чăваш енре пухаççĕ. Ку тапхăрта кĕнеке валли тĕрлĕ материал пуçтарас ĕç хĕрсе пырать. Министерство республикăри шыв ресурсĕсем çинчен çĕнĕ хыпарсем кĕтет, фотоматериалсем тăратма сĕнет. Сăн ÿкерчĕк калăпăшĕ 1 МБ, JPEG форматлă пулмалла, фотора ăна ăçта кам ÿкернине кăтартмалла, объект ятне палăртмалла. Материалсене электронлă почтăпа (minpriroda11@cap.ru) кăçалхи декабрĕн 10-мĕшĕ тĕлне тăратсан аванччĕ.

А.ЕВГРАФОВА,

Чăваш ен çут çанталăк министерствин пай пуçлăхĕ.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии