09:19 09 декабря 2013 г.
Мускавра тăван тавралăха сыхлассипе ирттернĕ съездра Интерфакс-ЭРА экологипе энергетика рейтинг агентстви 2012 çулхи кăтартусем тăрăх бизнес никĕсĕн эффективлăхĕпе тата экологи яваплăхĕ тĕлĕшĕпе хатĕрленĕ рейтингпа паллаштарнă. Чăваш Республики унта Раççейри мĕнпур субъектсем хушшинче пĕрремĕш вырăн йышăннă.
Рейтинга çĕршыв регионĕсенчи 4000 предприятин экологипе энергетика эффективлăхĕн кăтартăвĕсем тăрăх йĕркеленĕ. Хаклава тăватă критерипе ирттернĕ: эко-энергоэффективлăх, технологи эффективлăхĕ, вĕсен динамики, çавăн пекех компанисен экологи отчечĕн уççăнлăхĕн шайĕ. Унсăр пуçне, кашни предприятин тупăшне, ĕçлекенсен шутне тата энергипе усă курни тăрăх производство ĕçĕ-хĕлĕн анлăшне те шута илнĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии