09:20 04 декабря 2013 г.
Патшалăх тивĕçтерĕвĕн пĕрлехи порталĕнче текех кĕсье телефонĕ урлă регистрациленме пулĕ. Кун çинчен Дмитрий Медведев премьер-министр йышăнăва алă пуснă. Документ федераллă патшалăх информаци системинче регистраци ирттерес процедурăна ансатрах тăвас тĕллевлĕ.
Малашне порталта çырăнма кĕсье телефонĕн номерне хăварма тивĕ. Ун çине активаци кодне ярса парĕç. Анчах унчченхи мел те сыхланса юлĕ. Активаци кодне хальхиллех почтăпа, электронлă почтăпа е «Ростелеком» акционерсен уçă обществин офисĕсенче илме пулать.
Аса илтерме, паянхи кун тĕлне Чăваш енре пурăнакансем 69 тĕрлĕ патшалăх тата муниципаллă тивĕçтерÿсене илме пултараççĕ. Кун валли порталта регистрациленмелле кăна, активаци кодне илнĕ хыççăн харпăр хăйĕн электронлă пÿлĕмĕнче ĕçлеме май пур.
Хамăр инф.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии