09:40 27 ноября 2013 г.
Районăн пултаруллă волейболисчĕсем «Урожай» физкультурăпа спорт обществин чемпионатне Вăрнарта ирттерме тивĕç çĕнсе илни ăнсăртран мар. Вĕсем – ку ăмăртăвăн иртнĕ çулхи чемпионĕсем.
Кăçал та ята ямарĕç. Пăрачкав, Канаш, Тăвай районĕсен командисемпе иртнĕ финалта чи ăста команда пулнине çирĕплетрĕç.
Район чысне Вадим Кириллов, Дима Трофимов, Дима Любаев, Михаил Сильвестров, Алексей Лавров, Даниил Мухамедшин, Артем Степанов, Николай Прокопьев, Дима Паймулкин тата Андрей Алексеев хÿтĕленĕ. Пăрачкавсене 2:1, тăвайсене 2:0 шутпа çĕнтернĕ.
Вырсарни кун çак йышри спортсменсем – Дима Трофимов, Вадим Кириллов, Николай Прокопьев, Даниил Мухамедшин – тата Игорь Иванов, Олег Чернов, Николай Иванов Чăваш Республикин Вăрнартах иртнĕ зонăри вăййисенче етĕрнесемпе тата муркашсемпе вăй виçнĕ, финала тухнă.
Волейболистсене саламлатпăр.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии