10:15 25 ноября 2013 г.
Çĕршывăн ГТО комплексĕн нормативĕсене йышăннăранпа темиçе вунă çул иртнĕ, апла пулин те ун йăлисем манăçман-ха. Юн кун акă «Вурнарская» ачасемпе çамрăксен спорт шкулĕнче йĕркеленĕ ГТО фестивалĕнче 5–7-мĕш классенче вĕренекенсем ĕçлеме тата хÿтĕленме мĕнлерех хатĕррине тĕрĕсленĕ.
Фестивале районти 10 шкул – Вăрнарти 1-мĕшпе 2-мĕш, Пăртасри, Калининăри, Кĕçĕн Кипекри,Çĕрпелти, Кăмашри,Туçи Çармăсри, Хирпуçĕнчи тата Шĕнер Ишекри шкулсем – хутшăннă. Ачасем чупассипе, сикессипе, алă вăйне виçессипе нормăсене кăтартнă.
Вĕренÿ учрежденийĕсем хушшинче чи маттуррисем Вăрнарти 1-мĕш, Калининăри тата Шĕнер Ишекри шкулсенче вĕренекенсем.
Нумай енлĕ кĕрешÿре уйрăмшар зачетра Вăрнарти 1-мĕш шкулта вĕренекен Андрей Куликов пуринчен нумай очко пухнă. Иккĕмĕш вырăнта – Пăртасри Павел Кириллов. Виççĕмĕш вырăна иккĕн пайланă: Кĕçĕн Кипекри Иван Иванов тата 1-мĕш шкулти Никита Львов.
Хĕрачасенчен чи çивĕччисем 1-мĕш шкулти Кристина Плеханова, Калининăри Луиза Васильева тата Екатерина Судова.
С.ЧИКМЯКОВА
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии