10:11 20 ноября 2013 г.
Эрне кун Чăваш ен Пуçлăхĕ Михаил Игнатьев Раççей Патшалăх Думин депутачĕпе,
Вĕренÿ енĕпе ĕçлекен комитет председателĕн заместителĕпе Алена Аршиновапа ĕçлĕ
тĕл пулу ирттернĕ.
А.Аршинова республика çыннисемпе тĕл пулни çинчен пĕлтернĕ. Вĕсене
хумхантаракан чи çивĕч ыйтусенчен пĕри – ача сачĕсене черет вăрăм пулни. Депутат
халăха Чăваш ен Правительстви тата Патшалăх Думин депутачĕсем ку ыйтăва татса
парассине тимлĕхе илнине ăнлантарнă.
Вăл çавăн пекех Чăваш ен наци радиовĕпе тÿрĕ эфира тухнине те пĕлтернĕ.
«Маншăн çынсем ман пата кирек мĕнле ыйтупа та тухма пултарни пĕлтерĕшлĕ», – тенĕ
вăл.
Чăваш ен Пуçлăхĕ республикăра шкул çулĕчченхи вĕренÿ системине
модернизацилессипе пысăк ĕçсем тунине каланă. Кăçал ку тĕллевпе пĕр миллиард
ытла тенкĕ тăкакланă, çĕнĕ 5 ача сачĕ хута янă, çулталăк вĕçлениччен тата улттă
туса пĕтермелле.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии